افغان چارواکي وايي، وسله والو طالبانو پرون سې شنبه (د کب ۵مه) مازیګر د مرکزي بغلان ولسوالۍ د روغتون مسوول ډاکټر خلیل الرحمن نرمګوی وژلی دی.
د کورنیو چارو وزارت ویاند طارق ارین د نرمګوی وژل کېدل تایید کړي.
هغه ویلي، د تحصیلي کړیو د وژنې دوام دا قشر له منځه نه وړي بلکې د ده په خبره زرګونه نور ډاکټران، انجینران، خبریالان او دیني عالمان ژوند او کار ته ولاړ دي.
هاخوا د افغانستان د بشري حقونو خپلواک کمېسیون مشرې شهرزاد اکبر هم د ډاکټر خلیل الرحمن نرمګوی په وژنې خواشیني ښودلې.
One more loss. Khalil Narmgu, head of surgical unit of central Baghlan hospital and former head of journalists union in Baghlan, reportedly targeted and killed. Unprecedented wave of targeted killings across Afg taking lives of civilians, professionals and activists. https://t.co/5nXfcPVMj8
— Shaharzad Akbar (@ShaharzadAkbar) February 24, 2021
هغې په خپل ټوېټر لیکلي، د هدفي وژنو په لړ کې چې ټول افغانستان کې زیاتې شوي ګڼ ملکیان، فعالان او په کارپوه خلک له منځه وړل کیږي.
طالبانو په دې اړه کوم غبرګون نه دی ښودلی.