د افغانستان ولسي جرګې د ۱۴۰۰ مالي کال بودجه بالاخره نن تصویب کړه.
د دې جرګې مشر میر رحمن رحماني وویل چې حکومت د مأمورینو او ښوونکو د تنخواوو د زیاتولو لپاره د دې جرګې مشروع غوښتنې د بودجې په اصلاح شوې مسوده کې په پام کې نیولې دي.
تر دې مخکې ولسي جرګې د ۱۴۰۰ مالي کال بودجه دوه ځلې رد کړې وه.
د ۱۴۰۰ مالي کال په بودجه کې ټولټال ۴۳۷ میلیارده افغانۍ په نظر کې نیول شوي چې ۳۱۱ میلیارده افغانۍ یې عادي او ۱۶۱ میلیارده افغانۍ یې پراختیایي بودجه ده.