د جاپان سفارت د افغانستان په ختیځ کې د نږدې پنځه لکه او ۱۰ زره ډالرو په لګښت د ماین پاکۍ یوه پروژه پلې کوي.
په کابل کې د جاپان سفارت په یوه اعلامیه کې لیکلي چې د ماین پاکۍ د دې پروژې تړون نن له یوې مؤسسې سره لاسلیک شو.
د جاپان سفیر اوکاډا تاکاشي په افغانستان کې د ماین پاکۍ د هڅو پر اهمیت ټینګار کړی او ویلي یې دي چې کله د ماین پاکۍ پروژه بشپړه شي، ځایي خلک به خوندي ژوند وکړي او د سیمې اوسني او راتلونکي نسل ته به امنیت او شتمني ور په برخه کړي.
د سفارت د اعلامیې له مخې د ماین پاکۍ دا پروژه د جاپان د انسانانو د ژوند د خوندیتوب لپاره د بنسټيزو پروژو په چوکاټ کې شامله ده چې مستقیماً د جاپان سفارتیې څارنه کوي.
دا لګښتونه په هغو څه باندې ۱۲۲ ملیونو ډالرو مرسته کې راځي چې د جاپان سفارتیې تېره میاشت اعلان کړی و.