د افغانستان د بشري حقونو خپلواک کمېسیون وایي، هدفي وژنې او پرملکیانو حملې باید سمدستي پای ته ورسول شي.
دغه کمېسیون پرون سې شنبې (د سلواغې ۱۴مه) ناوخته په خپله ټویټرپاڼه کې لیکلي چې پر ملکیانو حملې، په ښکاره جنګي جنایت او د بشریت ضد جرمونو څخه شمېرل کېږي.
۲/ قتلهای هدفمند و حمله بر هدفهای غیرنظامی باید متوقف شود. استفاده از ماین چسپکی در مکانهای عمومی و شهری، افزون بر افراد هدف، همواره سبب تلفات و خسارات بر افراد ملکی شده است.حمله بر غیرنظامیان از مصداقهای آشکار جنایت جنگی و جرایم ضدبشری است
— AIHRC (@AfghanistanIHRC) February 2, 2021
پرون په پلازمېنه کابل کې په درې حملو کې لږ تر لږه دوه تنه ووژل شول او اته تنه نور ټپیان شول. په وژل شوېو کې د افغانستان د اصلاح ټولنې د مرکزي شورا مشرمحمد عاطف هم شامل و.
د افغانستان د بشري حقونو خپلواک کمېسیون ویلي چې د دغو حملو عاملان به هر چېرې چې وي، یو وخت عدالت ته را کاږل شي او ورسره به حساب کتاب وشي.
چا یا کومې ډلې په کابل کې د پرونیو بریدونو مسولیت نه دی اخیستی او طالبانو هم په کې خپل لاس لرل رد کړي دي.