د ارزګان والي وايي، ۷ تنه دولتي کارکوونکي د اداري فساد په تور نیول شوي دي.
محمد عمر شېرزاد نن یکشنبه(د مرغومي ۱۴مه) ازادي راډیو ته وویل، دغه کسان په ښځو چارو ریاست کې نیول شوي دي.
دی وايي: "دغه کسان د اختلاس په تور نیول شوي دي. موضوع تر څېړنې لاندې ده. تر څېړنو وروسته به تورن کسان عدلي او قضايي ادارو ته معرفي کېږي. زموږ دا مبارزه به دوام کوي."
ځینو سرچینو په ترینکوټ کې د ازادي راډیو خبریال ته ویلي، په اوو تنو نیول شویو کسانو کې د ښځو چارو ریاست سرپرست رئیس او درې کارکوونکي هم شامل دي.