په کابل کې د امریکا سفارت شارژدافیر د فیفا پر مشر یوسف رشید برید غندلی او هغه یې د دموکراسۍ یو فداکاره مدافع یاد کړی دی.
راس ویلسن پر خپله ټویټرپاڼه لیکلي چې د ښاغلي رشید وژنه د هغه کورنۍ او ټول افغانستان ته یوه ضایعه ده.
(1/2) Yousuf Rasheed was a dedicated & steadfast advocate for representative democracy in Afghanistan. He worked tirelessly for years to ensure free & transparent elections that engaged all Afghans. His death is a loss for his family, friends & nation.
— Chargé d’Affaires Ross Wilson (@USAmbKabul) December 23, 2020
د کابل د امنیه قوماندانۍ ویاند فردوس فرامرز وایي، د ازادو او عادلانو ټاکنو بنسټ مشر نن سهار کابل کې دندې ته پر لاره و چې نا معلومه وسله والو برید پرې وکړ.
دې برید کې د ښاغلي رشید موټرچلونکی سمیع الله هم روغتون کې سا ورکړې ده.
د ښاغلي رشید ورور عبدالباقي رشید ازادي راډیو ته وویل، یوسف رشید لومړی ټپي و، خو روغتون کې یې سا ورکړه.
یوسف رشید د لوګر ولایت اوسیدونکی و او په دې وروستیو کلونو کې پر ټاکنو د څار اړوند بحثونو کې ډېر څرګندېده.
تراوسه چا د دغه برید مسولیت نه دی اخیستی.