په جرمني کې د کرونا ویروس د مثبتو پېښو له زیاتېدو سره سم، له راروانې چهارشنبې تازه محدودیتونه او ټولبند لګول کېږي.
له دکانونو پرته به نور تجارتونه له راروانې چهارشنبې د جنورۍ میاشتې تر ۱۰مې نېټې تړلي وي.
صدراعظمې انګلا مېرکل پرون له خلکو د احتیاط غوښتنه وکړه: "له ټولو خلکو غواړم، که د نورو کورونو کسان خپل کور ته د کرسمس لپاره درغواړئ، هیله ده وروسته د خوندیتوب د اوونۍ په توګه تر ممکنه حده د اوو ورځو لپاره له نورو کسانو سره تماس کم کړئ."
د ټولبند او محدودیتونو پر مهال به په ښوونځیو او د ورځنیو څارنو په نورو مرکزونو کې د خلکو ترمنځ جسمي فاصله هم مراعاتېږي.
د امریکا د جانز هاپکنز پوهنتون د ارقامو له مخې په جرمني کې په کرونا ویروس د اخته کسانو شمېر تر یو ملیون او درې لکو اوښتی دی.