امریکايي چارواکو د افغانستان د ملي مصالحې د عالي شورا د مشرتابه کمېټې د لومړنۍ غونډې هرکلی وکړ.
د امریکا د باندنیو چارو وزیر مایک پومپیو تېره شپه په یوه ټویټ کې ولیکل، دا اقدام د سولې لور ته یو ګام دی.
We welcome the first meeting of the Leadership Committee of the Afghanistan High Council for National Reconciliation, an inclusive and authoritative body on peace efforts. This is another positive step forward.
— Secretary Pompeo (@SecPompeo) December 5, 2020
د افغانستان د سولې لپاره د امریکا ځانګړي استازي زلمي خلیلزاد هم د دې شورا د مشرتابه کمېټې غونډه مهمه بللې ده.
د خلیلزاد په وینا، دا کمېټه به له طالبانو سره د سولې د موافقې پر شرایطو، واک وېش او د دایمي او عمومي اوربند پر سر د خبرو په لړ کې د افغانستان د دولت لپاره یو صلاحیت لرونکی اورګان وي.
ده دا هم ویلي چې وروستیو اقداماتو سولې ته د رسېدو لپاره هیلې زیاتې کړي دي.