په میدان وردګ ولایت کې د مڼو ۷۱ سړې خونې جوړېږي.
د میدان وردګو ولایت د کرنې اوبو لګونې او مالدارۍ مسوولین وايي، د مڼو د سارک موډل صفر انرژۍ ۷۱ سړې خونو کارونه ۷۰ سلنه بشپړ شوي.
د دوی په وینا دا خونې د کرنیزو محصولاتو مدیریتي طرحې په چوکاټ کې جوړېږي.
د میدان وردګ ولایت د کرنې او مالدارۍ ریيس ولید احمد تسل وايي، د دې سړو خونو د جوړېدو لګښت ۱۷۴ میلیون او ۶۰۰ زره افغانۍ دی، چې ۹۰ سلنه بودیجه یې د کرنې وزارت او پاتې نوره د ګټه اخیستونکو بڼوالو له لورې ورکول کېږي.
نوموړی زیاتوي، چې یادې سړې خونې د کرنیزو محصولاتو د ساتنې او د بڼوالو د اقتصادي پیاوړتیا په موخه جوړېږي.
دا په داسې حال کې ده چې له دې وړاندې دوه سړې خونې د ۵۰۰ ټنو ظرفیت درلودونکي د میدان وردګو ولایت په میدان ښار او سیداباد کې جوړې شوې وي.