د ارزګان د والي ویاند وايي د دهراوود ولسوالۍ د بشپړ نیولو لپاره د وسلهوالو طالبانو پلان شنډ شو.
احمد شاه ساحل پرون ازادي راډیو ته وویل، په دهراوود ولسوالۍ کې وضعیت د افغان ګډو ځواکونو په کنټرول کې دی.
َښاغلي ساحل زیاته کړه: "د افغان ګډو ځواکونو له لوري، په دې ولسوالۍ کې د وسلهوالو طالبانو هغه پلان چې د ولسوالۍ د سقوط لپارهیې درلود، لهمنځه لاړ او وضعیت د افغان ځواکونو په کنټرول کې دی."
د دهراوود ولسوالۍ په شااوخوا کې له ۴۰ ورځو راهیسې جګړه روانه ده، خو له تېرې اوونۍ راهیسې د جګړې شدت زیات شوی دی.
دفاع وزارت پرون شنبه وویل، په دهراوود کې د افغان ځواکونو په تازه بریدونو کې ۱۴ وسلهوال وژل شوي او ۹ تنه نور ټپیان شوي دي.
وسلهوالو طالبانو په ارزګان کې د تازه تحولاتو په اړه څه نهدي ویلي.