د افغانستان د ولسي جرګې رئيس سبا (جمعه) د یوه پلاوي په مشرۍ پاکستان ته ځي.
پاکستاني رسنۍ وايي چې میر رحمان رحماني او د ولسي جرګې ۱۷ غړي به چې د پاکستان د ملي اسامبلۍ د ريیس اسد قیصر په رسمي بلنه دغه هېواد ته شپږ ورځنی سفر کوي، د پاکستان د ولسمشر عارف علوي او صدراعظم عمران خان په ګډون له نورو چارواکو سره هم ویني.
افغان پلاوی به راتلونکې اوونۍ په اسلاماباد کې د افغانستان-پاکستان د سوداګرۍ په غونډه کې هم ګډون وکړي.