د قرغزستان قانون جوړوونکو سدیر جپاروف د دغه هېواد د صدراعظم په توګه تأیید کړ.
د جپاروف د تأیید لپاره پرون وروسته تر دې رایه اچونه وشوه چې ولسمشر سورونبای جینبکوف دغه هېواد کې د بېړني وضعیت غوښتنه وکړه.
جینبکوف ویلي، د نوي دولت له جوړېدو سره سم استعفا کوي.
په قرغزستان کې د اکټوبر په پنځمه، یعنې تر پارلماني ټاکنو یوه ورځ وروسته اعتراضونه پیل شول او یوه ورځ وروسته مظاهرهچیانو یو شمېر دولتي ودانۍ اشغال کړې.
دغه هېواد کې د څو ورځې مخکې پارلماني ټاکنو رایې باطلې شوي او د ټاکنو کمېسیونیې ویلي چې د نومبر تر نهمې باید بیاځلي انتخابات وشي.