په قرغزستان کې نن پارلماني ټاکنې ترسره کېږي او خلک رأی اچونې ته راوتلي دي.
د ټاکنیزو مبارزو پر مهال ادعا شوې چې د رایو د اخیستو لپاره پیسې ورکړل شوې دي.
د کمپاینونو پر مهال داسې اختلافونه هم راپورته شول چې روسیه د منځني اسیا پر خپل دې نږدې متحد هېواد څومره نفوذ لري.
د رایو مرکزونه په ځایي وخت سهار اته بجې پرانیستل شول او د ماښام تر ۸ بجو به پرانیستي وي.
دغه هېواد کې درې نیم میلیونه رأی ورکونکو ټاکنو کې د ګډون لپاره نوم لیکنه کړې ده.
د ۱۶ سیاسي ډلو کاندیدان د ۱۲۰ څوکیو د ګټلو لپاره د سیالۍ ډګر ته راوتلي دي.