د ایران د پلازمېنې تهران په ګډون څو ښارونو کې له ارمنستان سره په شخړه کې د اذربایجان په ملاتړ مظاهرې شوې دي.
د لانجمنې سیمې نګورنو قرهباغ پر سر تېره یکشنبه د اذربایجان او ارمنستان جګړه ونښته چې تر اوسه پهکې دواړو لورو ته د ملکیانو په ګډون تر ۱۰۰ زیات کسان وژل شوي دي.
په ټولنیزو رسنیو کې خپرې شوې وېډیوګانې پر سړکونو لسګونه ایرانیان ښيي چې په اذري ژبه شعارونه ورکوي.
د مظاهرهچیانو یو شعار دا دی چې " قرهباغ زموږ دی او زموږ به وي".
ازادي راډیو لا د دغو وېډيوګانو کرهوالی نهشي تأییدولی.
راپورونه وایي چې په ځینو ښارونو کې مظاهرهچیان له پولیسو سره نښتي او د اعتراض پر مهال ۳۸ تنه نیول شوي هم دي.