د طالبانو د ستاینې لپاره د پاکستان د یوه پخواني لوړپوړي چارواکي ټویټ ناندریز شوی او د افغان حکومت، یو شمېر افغان سیاستوالو او شنونکو غبرګون یې را پورته کړی دی.
د افغان ولسمشر لوړپوړي سلاکار وحید عمر خواجه اصف ته لیکلي، همدغه ملا برادر چې خدای لري، هغه مهال پاکستان کې بندي و او شکنجه کېده چې تاسو د دفاع وزیر وئ.
عمر دې ټویټ کې وړاندې ښاغلي اصف ته لیکلي: "کله چې تاسو وزیر وئ، پاکستاني طالبانو د پوځ پر یوه ښوونځي برید کې ۱۴۰ ماشومان ووژل، ایا هغوی هم خدای درلود."
1) The same guy you think has Khoda with him was being tortured in a Pakistani jail when you were Minister of Defence. No? 2) When you were Minister, TTP massacred 140 kids in Army Public School. Was Khoda with them too? Did you chant Allah o Akbar from behind your MoD desk? https://t.co/ITdXGwCdl0
— Waheed Omer (@Waheed_Omer) September 14, 2020
له طالبانو څخه د ملاتړ لپاره د پاکستان د دفاع د پخواني وزیر ټویټ ته لا هم په افغانستان کې غبرګون ښودل کېږي.
خواجه محمد اصف د امریکا د بهرنیو چارو وزیر مایک پومپیو او د طالبانو د سیاسي دفتر مشر ملا برادر دې ټویټ له پاکستان سربېره، په افغانستان کې هم غبرګونه را پورته کړي دي.
طاقتیں تمھاری ھیں اور خدا ھمارا ھے.. اللہ اکبر pic.twitter.com/EhO1sZ3bWx
— Khawaja M. Asif (@KhawajaMAsif) September 13, 2020
د افغانستان د ملي امنیت پخوانی رئیس رحمت الله نبیل د ښاغلي آصف د ټویټ په غبرګون ټویت کړی او ویلي یې دي: "ښاغلی خواجه صیب، خدای ستاسو په اجاره کې نه دی، بلکې وحشیتوب، وژل او غارت ستاسو په اجاره کې ده."
خوجه جى: خدا آپ کی اجارہ داری میں نہیں ہے ، لیکن بلا شبہ دہشت گردی اور قتل و غارت آپ کی اجارہ داری میں ہیں! God is not in your monopoly, but without doubt terrorism and killing are in your monopoly! https://t.co/QqXmUP9bGk
— Rahmatullah Nabil (@RahmatullahN) September 13, 2020
د افغانستان د جګړې او سولې د مطالعاتو انسټېټیوټ رئیس تمیم عاصي ازادي راډیو ته وویل، د پاکستاني چارواکو دا ډول څرګندونې له طالبانو څخه د دې هېواد د ملاتړ او په افغانستان کې د خپلې نیابتي جګړې او ګټو د خوندي کولو لپاره غوره بېلګه وي.
هغه زیاته کړه: "خواجه محمد اصف یو له هغو کسانو دی چې د پاکستان پوځ سره ډېره نږدې اړیکه لري، کوم ټویټ چې هغه کړی ښيي چې طالبان د پاکستان یوه نیابتي او مرګوني ډله ده او په افغانستان کې د جګړې رهبري له هماغه ځایه کېږي، بل خوا پاکستان له امریکا سره په خپلو کړو ژمنو کې صادق نه دی او په یوه ډول د خپلو پخوانیو چارواکو په وسیله امریکا ته ښيي چې د خپلې نیابتي ډلې په وسیله مو تاسې ته په افغانستان کې ماتې در کړه."
په پاکستان تل تور لګول کېږي چې دا هېواد له طالبانو ملاتړ کوي او د سولې په خبرو کې یې خپلو ژمنو سره سره عملي کار نه دی کړی.
بلخوا دې ټویټ په پاکستان کې هم غبرګونونه راپورته کړي دي.
د پاکستاني حکومت مخالفت سیاستوال محمد تقي ښاغلي اصف ته په ځواب کې لیکلي: "زه غواړم ښاغلي خواجه ته یې یاد کړم چې طالبانو نه یوازې دا چې پر افغانانو ظلم کړی، بلکې هغوی پاکستاني ترهګرو ته هم پناه ورکړه."
د پښتون ژغورنې غورځنګ مشر منظور پشتین د ښاغلي اصف په ځواب لیکلي: "او حکومت چې تر اوسه میلیونونه ډالره اخیستي هغه د چا و؟"
د پاکستان پارلمان غړي او د دې غورځنګ یوه مشر محسن داوړ پر ټویټر لیکلي: "خدای نه ظلم کوي او نه ظالمانو سره دی، الله د یوې ذرې په اندازه هم ظلم نهکوي."
خدا نہ ظلم کرتا ہے نہ ظالموں کے ساتھ ہےإِنَّ اللَّهَ لَا يَظْلِمُ مِثْقَالَ ذَرَّةٍاللہ ذرہ برابر بھی ظلم نہیں کرتا https://t.co/ibsHvhABBe
— Mohsin Dawar (@mjdawar) September 13, 2020
له دې وړاندې هم د پاکستان یو شمېر نورو چارواکو له طالبانو د ملاتړ په اړه څرګندونې کړي او ان د دې هېواد پخواني جمهور رئیس پرویز مشرف په یوه مرکه کې ویلي، دوی طالبانو ته وسلې ورکړي او افغانستان ته د جګړې لپاره لېږلي دي.
تر اوسه پاکستان حکومت د خواجه آصف د څرګندونو په اړه نظر نه دی ورکړی.