د افغانستان د بهرنیو چارو وزارت سرپرست او د فرانسې د بهرنیو چارو وزیر د طالب بندیانو د خوشې کېدو په اړه خبرې کړي دي.
په دې اړه نور جزئیات نه دي ورکړل شوي.
محمد حنیف اتمر او ژان ایو لودریان تېر ماښام ټیلیفوني خبرې کړي دي.
د افغانستان د بهرنیو چارو وزارت ویاند ګران هېواد نن سهار آزادي راډیو ته وویل: "د فرانسې د بهرنیو چارو وزیر د افغانستان د سولې پروسې او مذاکراتو په برخه کې د خپل هېواد د ملاتړ په اړه ډاډ ورکړ."
فرانسې په دې وروستیو کې د افغان حکومت لخوا د یو شمېر طالب بندیانو پر خوشې کولو مخالفت ښودلی وو او غوښتي یې وو، هغه بندیان باید خوشې نه شي چې د پاریس په خبره د فرانسوي وګړو په وژنه کې لاس لري.