د ټیک ټاک چینايي شرکت امریکايي ټبره اجرايي رئیس کوین مایر په دې دنده له ګومارل کېدو درې میاشتې وروسته استعفا وکړه.
د روېټرز خبري اژانس د راپور له مخې، ټیک ټاک د مایر استعفا تأیید کړه.
ټیک ټاک د لنډو وېدیوګانو ټولنیزه رسنۍ ده او څو ورځې وړاندې یې د امریکا ولسمشر ډونالد ترمپ پر حکومت دعوه کړه.
د ټرمپ حکومت د اګسټ په شپږمه له دې کمپنۍ سره د امریکا د راکړې ورکړې د بندیز حکم صادر کړ.
د امریکا حکومت ټیک ټاک د خپل ملي امنیت لپاره جدي ګواښ ګنلی دی.