د اسیا زړه د استانبول پروسې کنفرانس د غړو هېوادونو د بهرنیو چارو وزیرانو پرون د اګسټ په ۲۵مه په افغانستان کې له کرونا ویروس سره د مبارزې او د سولې د مذاکرو د پيل لپاره پر روانو هڅو خبرې کړې دي.
د بهرنیو چارو وزارت په خبرپاڼه کې په دې اړه لیکل شوي چې دا خبرې د وېډیو کنفرانس له لارې وشوې.
په غونډه کې ګډونوالو ټینګار کړی چې د افغانستان د سولې د بهیر د بریالیتوب او له کرونا ویروس سره د بریالۍ مبارزې لپاره د نړیوالو ملاتړ ته اړتیا ده.
د اسیا زړه د استانبول پروسې کنفرانس د ۲۰۱۱ میلادي کال د نومبر په میاشت کې له ترکیې پيل شو چې هدفیې په افغانستان کې پر روانو حالاتو د سیمې د هېوادونو او نړیوالو سازمانونو د بحث او خبرو لپاره د زمینې برابرول دی.
په دې کې ۱۵ هېوادونه غړي دي، ۱۷ هېوادونه او ۱۲ نړیوال سازمانونهیې له لیرې ملاتړ کوي.