په بیلاروس کې د الکساندر لوکاشینکا د بیا ولسمشر کېدو پر ضد نن بیا د لاریونونو تابیا نیول شوې ده.
لوکاشینکا، چې له ۲۶ کلونو راهیسې واک په لاس کې لري، پرون له دې ادعا وروسته، چې د لوېدیځو هېوادونو ځواکونه د بیلاروس پولې ته نژدې ځای پر ځای شوي، د خپل هېواد وسله وال ځواکونه تیارسی کړل.
وروسته له دې چې لوکاشینکا د اګست د میاشتې په ټاکنو کې بریالی اعلان شو، زرګونه تنه د دغه هېواد واټونو ته په لاریونونو راووتل.
پولیسو تر ۷ زره ډېر نیولي او سلګونه نور یې وهلي ټکولي دي.