د افغانستان د کرنې او مالدارۍ وزارت وايي، تر راتلونکو دوو میاشتو پورې به د هېواد په یو شمېر ولایتونو کې د ممیزو د ساتنې لپاره شاوخوا ۴۴۰۰ خونې جوړې شي.
د دې وزارت ویاند اکبر رستمي نن ازادي راډیو ته وویل، د دې خونو د جوړولو کارونه تر راتلونکي دو میاشتو پورې بشپړېږي.
د ښاغلي رستمي په خبره، دغه خونې د ممیزو د کیفیت او ښې ودې لپاره جوړېږي چې په کال کې به شاوخوا ۷۰ زره ټنه ممیز صادرولو ته چمتو کړي.
د افغانستان د کرنې او مالدارۍ وزارت د معلومات له مخې په یو شمېر ولایتونو کې د انګور د حاصلاتو تر موسم پورې به د دغه خونو ډېری یې ګټې اخیستنې ته وسپارل شي.