په کابل کې نن دوو چاودنو یو پولیس وواژه او ۳ نور یې ټپیان کړل.
د کابل امنیه قومندانۍ ویاند فردوس فرامرز ازادي راډیو ته وویل، لومړنۍ چاودنه د اومې امنیتي حوزې اړوند چهلستون سیمه کې شوې چې یو پولیس یې وژلی او بل یې ټپی کړی دی.
فرامرز وایي، د مقناطیسي ماین دې چاودنې یو ملکی وګړی ژوبل کړی هم دی.
بل لورته امنیه قومنداني وایي چې د تایمنیو په سیمه کې د پولیسو پر رنجر ورته چاودنه شوې چې دوه تنه په کې ټپیان شوي دي.
په پلازمېنه کابل کې دې وروستیو شپو ورځو کې د ناامنیو پېښې، له هغې ډلې د ماینونو چاودنې ډېرې شوي دي.