د افغانستان ملي امنیت عمومي ریاست وايي د داعش ډلې د خراسان څانګې هغه غړی یې وژلی چې د داعش په قصاب مشهور و.
دغه ریاست پرون په یوه اعلامیه کې وویل، اسد الله اورکزی چې د داعش د استخباراتو عمومي مسؤل و، په اصل کې د پاکستان د اورکزۍ اجنسۍ د اخېل سیمې اوسېدونکی و.
د ملي امنیت په حواله، دغه کس چې په اسد الله هم مشهور و، په سیمه کې د داعش د ارتباطاتو مسؤلیت هم درلود.
بلخوا د ننګرهار مطبوعاتي دفتر بیا په یوه اعلامیه کې ویلي چې دغه کس پرون ماښام د جلالاباد په مولوي خالص فامیلیو کې وژل شوی دی.