په هرات کې نن یوې بمي چاودنې څوارلس ملکیان ټپیان کړي.
دا خبره د هرات امنیه قومندان عبیدالله نوروزي ازادي راډیو ته وکړه.
هغه وویل چاودنه د یوه غږیز بم وه چې د هرات ښار د تانک مولوي په سیمه کې نن سهار شوې.
تر اوسه چا د دې پېښې مسئولیت نه دی منلی.
د هرات د حوزوي روغتون سرطبیب محمد عارف جلالي هم ازادي راډیو ته وویل چې له دې بمي چاودنې د هرات حوزوي روغتوت ۱۴ ټپیان ور انتقال شوي چې پکې د دریو وضعه ښه نه ده.
د چهارشنبې په ماښام هم په هرات کې د یوه مقناطیسي ماین په چاودنه کې څلور ملکیان وژل شوي و او ۵ نور ټپيان و.