د افغانستان سولې لپاره د امریکا ځانګړي استازي زلمي خليلزاد له ولسمشر اشرف غني سره په افغانستان کې د سولې د هڅو په اړه خبرې کړي.
د افغانستان جمهوري ریاست په یوه بیان کې وايي، په دې کتنه کې چې پرون ماښام په ارګ کې وشوه د اوربند یا اورکم د تمدید، د افغانو ترمنځ د سولې د خبرو د پیل او د بندیانو د تبادلې په اړه بحث وشو.
خبرپاڼه زیاتوي چې ښاغلي خلیلزاد په دوحه کې له طالبانو سره د خپلو خبرو په اړه ولسمشر ته معلومات ورکړل.
ارګ وايي چې په دې غونډه کې د ملي مصالحې عالي شورا مشر عبدالله عبدالله او مخکېنی ولسمشر حامد کرزی هم حاضر وو.