د بلغاریا د ټینس پېژندل شوی لوبغاړی ګریګور ډیمټروف په کرونا ویروس یا کوویډـ۱۹ ناروغۍ اخته شوی دی.
دا کار د دې سبب شوی، چې په کرویشیا کې یې پلان شوې مسابقه لغوه شي.
ټاکل شوې وه، دی د ټینس له لومړۍ درجه ورزشکار نوواک جوکوویچ سره په فاینل مسابقه یا فاینل کې مخامخ شي.
ډیمټروف چې د درجه بندۍ له مخې په نړۍ کې نولسم مقام لري، په کرونا ویروس د اخته کېدو خبر پرون یکشنبه په انسټاګرام خپور کړ.
ده ویلي غواړي ډاډمن شي، هغه کسان چې ورسره په تماس کې وو، معاینه او هر ډول احتیاطي تدابیر عملي کړي.