د افغانستان سولې لپاره د امریکا متحده ایالاتو ځانګړی استازی زلمی خلیلزاد نن په کابل کې دی او له افغان مشرانو سره د سولي پر لارو چارو خبرې کوي.
دا خبره نن چهارشنبه د ښاغلي خلیلزاد دفتر ازادي راډیو ته کړې ده.
نوموړی پرون د قطر په پلازمېنه دوحه کې و.
د امریکا د بهرنیو چارو وزارت ویلي وو چې خلیلزاد په دې سفر کې چې له دوحې پیلېږي، هڅه کوي د بینالافغاني خبرو د پیلېدو لپاره لار هواره کړي، خو تر اوسه د دوحې د خبرو جزئیات نهدي خپاره شوي.
د امریکا متحده ایالاتو او طالبانو ترمنځ د فبرورۍ د ۲۹مې د لاسلیک شوي تړون له مخې باید دا خبرې د مارچ پر ۱۰مه پیل شوې وی، خو د زندانیانو د تبادلې او نورو سیاسي اختلافاتو له کبله دا خبرې تر اوسه ځنډېدلې دي.