د افغانستان مرستیال ولسمشر امراالله صالح د کابل په شمال کې د ملي امنیت ځانګړو ځواکونو وروستي عملیات بریالي بللي او ویلي یې دي چې د ترهګرو او د هغوی د تمویلوونکو په وړاندې د شواهدو اندازه مخ په ډېرېدو ده.
صالح نن سهار په یوه ټویټ کې د دې مسئلې یادونه کړې ده.
I congratulate @NDSAfghanistan for conducting a successful raid on IS-K & Haqani network safe house in north Kabul. Caches of weapons including the infamous knife & chair used 4 on camera throat cutting were found. The pile of evidence against terrorist & their sponsors going up
— Amrullah Saleh (@AmrullahSaleh2) May 7, 2020
هغه ویلي چې د افغانستان ملي امنیت ته د کابل په شمال کې د داعش خراسان او حقاني ډلې په ګډې هستې د بریالیو عملیاتو مبارکي وايي.
د افغانستان مرستیال ولسمشر ویلي چې په دې عملیاتو کې د نیول شویو مهماتو په ډله کې د داعش ډلې مشهوره چاړه چې د خلکو غاړې یې ورباندې پرې کولې او هغه څوکۍ چې "مقتول" بهیې د کمرې مخ ته پرې کېناوه شامل دي.
د افغانستان د ملي امنیت ریاست ویلي چې د چهارشنبې په ورځیې د کابل په ۱۱مه حوزه او شکر درې سیمه کې د داعش او حقاني د ګډې هستې په څلورو پټنځایونو عملیات کړي چې په نتیجه کې یې پنځه ترهګر وژلي او ۸ تنهیې ژوندي نیولي دي.