طالبانو د ۲۰ تنه دولتي بندیانو د خوشې کېدو خبر ورکړ.
د قطر په پلازمېنه دوحه کې د طالبانو د سیاسي دفتر ویاند سهیل شاهین پرون مازدیګر پر ټویټر ولیکل چې ۲۰ تنهیې په کندهار کې خوشې کړي دي.
خو په کندهار کې تېره شپه تر ناوخته امنیه قومانداني ویل چې تر دې دمه اسیران دوی ته نهدې سپارل شوي.
د بندیانو د خلاصون په لړ کې نن د کندهار په ولایت کې د کابل ادارې شل تنه عسکر له بند څخه خوشې شول او د کرایو په ورکولو سره خپلو کورونو ته واستول شول.درجریان رهایی زندانی ها، امروز درولایت قندهار ۲۰ تن از عساکر اداره کابل رها شده و با دادن کرایه راه به خانه های شان فرستاده شدند.
— Suhail Shaheen (@suhailshaheen1) May 5, 2020
له دې سره د طالبانو له لوري د خوشې شویو بندیانو شمېر ۱۳۲ ته ورسېد.
په ورته وخت کې د افغانستان ملي امنیت شورا وایي چې تر اوسهیې ۸۵۰ طالبان ازاد کړي دي. دې شورا په ټولنیزو رسنیو کې د یو شمېر طالبانو دا ژمنې هم خپرې کړې دي چې بیا به د جګړو لیکو ته نهځي.
د فبرورۍ د ۲۹مې نېټې له توافق سره سم چې د امریکا متحده ایالاتو او طالبانو ترمنځ وشو باید افغان حکومت نږدې پنځه زره طالبان ازاد کړي او طالبان شااوخوا زر تنه حکومتي اسیران خوشې کړي.