په افغانستان کې د امریکايي ځواکونو ویاند او د طالبانو ویاند پرون، د مې په ۲مه په بېساري ډول پر ټویټر په بحث کې سره نښتي وو.
دواړو دا لفظي شخړه په افغانستان کې د سولې د بهیر په اړه چې په ټپه ولاړ دی، کړې ده.
په افغانستان کې د امریکايي ځواکونو ویاند ساني لګېټ پر ټويټر په یوه پیغام کې وویل چې د امریکا متحده ایالات غواړي چې د سولې بهیر پر مخ ولاړ شي، خو که چېرې وسلهوال طالبان حملو ته دوام ورکړي په متقابل عمل به لاس پورې کوي.
ساني لګېټ پر ټویټر ولیکل: "حملې د حملو سبب کېږي او زغم د زغم. که چېرې تشدد کم نهشي، هو ځوابیې ورکول کېږي."
Reducing violence is an absolute necessity—and this is up to the leaders of all military forces—ANDSF, Taliban fighters and, yes, the Coalition. Attacks generate attacks, while restraint produces restraint. All sides must choose restraint to prevent more killing and violence.
— USFOR-A Spokesman Col Sonny Leggett (@USFOR_A) May 2, 2020
په دې ټویټ کې د وسلهوالو طالبانو ویاند ذبیحالله مجاهد ټګ شوی و.
د ټویټ په ځواب کې مجاهد لیکلي چې د جوړجاړي لاره د دوحې د موافقې په پلي کېدو کې ده.
امریکا او طالبانو د فبرورۍ په ۲۹مه د سولې موافقه لاسلیک کړه. د موافقې پر اساس داسې ګڼل شوې وه چې په افغانستان کې د سولې لپاره د افغانانو خبرې د مارچ په ۱۰مه، پيل شي، خو لا یې څرک نهشته.