پخواني افغان اجرائیه رئیس عبدالله وايي، د سیاسي کړکېچ د هواري لپاره خبرو اترو کې پرمختګ شوی او یو ازمایښتي توافق ته رسېدلي دي.
ښاغلي عبدالله نن پر خپل ټویټر ولیکل: "د افغانستان خلکو ته ډاډ ورکوي چې د سیاسي بحران د حل لپاره د ملي شخصیتونو هڅو ثمره لرلې ده."
We hope to finalize the political agreement at the earliest so that we can pay undivided attention to tackling COVID-19 pandemic, ensuring a just, dignified & lasting peace, & confronting the security & economic challenges in a spirit of national unity & solidarity.
— Dr. Abdullah Abdullah (@DrabdullahCE) May 1, 2020
نوموړې زیاته کړې: "موږ په خبرو اترو کې پرمختګ کړی او په یو شمېر اصولو یو امتحاني توافق ته رسېدلي یوو، د توافق د وروستي کولو لپاره کار روان دی."
ښاغلي عبدالله هیله ښودلې چې ژر تر ژره به دا توافق وروستی شي او دوی به د کرونا ویروس سره په مبارزې، پر دوامدارې او باوقاره سولې، امنیت او اقتصادي ننګونو د ملي یووالي او پیوستون په روحیه تمرکز وکړي."
د محمد اشرف غني او عبدالله ترمنځ سیاسي اختلاف وروسته له هغې زیات شو چې د ټاکنو خپلواک کمېسیون اشرف غني د ولسمشرۍ د وروستیو ټاکنو ګټونګی اعلان کړ خو سیال یې عبدالله عبدالله دا نتایج ونه منل او د مارچ په نهمه یې د ولسمشر محمد اشرف غنې د لوړې سره یو ځای جلا د ولسمشر په توګه د لوړې مراسم پرځای کړل.
د دواړو لورو ترمنځ له اوږدې مودې راهېسې کورنیو او بهرنیو منځګړیو د جوړجاړي هڅې کولې.
د دواړو لورو ترمنځ د هوکړې جزئیات او دا چې عبدالله او ټیم به یې په حکومت کې څه رول ولري تر اوسه روښانه نه دی.