د بشري حقونو څار نړیوال سازمان وايي د افغانستان په زندانونو کې شاوخوا ۹۵ فیصده نجونې د اخلاقي جرایمو په تور لکه نامشروع اړیکو بندیانې دي.
دا خبره د یاد سازمان په ټویټرپاڼه پرون خپره شوې ده.
دغه سازمان د ټویټر له لارې تېره یوه اوونۍ په نړۍ کې د بشري حقونو په اړوندو مسایلو "ټویټر ټرېنډ" یا د بحثونو بهیر پیل کړی چې یوه موضوعیې اخلاقي جرایم دي.
د بشري حقونو د څار سازمان د ښځو د حقونو څانګې سرپرستې هیدر بار هم مخکې په خپل ټویټر لیکلي و چې "په اصطلاح اخلاقي جرایمو په سبب باید له سره دا ښځې نهوی نیول شوې او اوس باید سمدستي ازادې شي او د اخلاقي جرایمو په تړاو د ښځو بندیانول دې ودرول شي."
About 50% of women & 95% of girls in Afghanistan%27s prisons are there due to so-called "moral crimes" such as sex outside marriage. They should never have been arrested. They should be released immediately & all moral crimes arrests should halt. #covid19 https://t.co/5Y8HmklRi7
— Heather Barr (@heatherbarr1) April 23, 2020
د افغانستان په زندانونو کې د نامناسبې وضعې سربېره د ښځینه بندیانو د ځورونې راپورونه او شکایتونه هم شوي.
د افغانستان د محابسو د ادارې د معلوماتو له مخې د افغانستان په زندانونو کې ۱۲۰۰ ښځې بندیانې دي چې یو شمېر یې د کرونا ویروس د مخنیوي په هدف د افغان ولسمشر د عفوې د فرمان له مخې ازادې شوې دي.