نړیوال بانک د کرونا ویروس پر وړاندې د مبارزې او هم نورو پراختیایي پروګرامونو په برخه کې له افغانستان سره د خپلو مرستو د دوام ډاډ ورکړی.
د افغان ولسمشر ویاند صدیق صدیقي د چهارشنبې په ورځ «۱۳۹۹ کال د غويي ۰۳» پر ټویټر لیکلي چې د جنوبي اسیا لپاره د نړیوال بانک مرستیال هارتویګ شیفر ولسمشر اشرف غني ته په یوه استولي لیک کې دا خبره کړې ده.
د ښاغلي صدیقي په خبره په دې لیک کې افغان ولسمشر ته ډاډ ورکړل شوی چې یاد بانک به له 'کووېډ-۱۹' سره د مبارزې په برخه کې د افغانستان ترڅنګ وي او هم به د دغه هېواد د اوږد مهاله پراخیتایي پروګرامونو ملاتړ کوي.
Mr. Schafer, the World Bank Vice Pres. for South Asia Region, in a letter, has reassured Pres. Ghani of the World Bank%27s commitment to continue working with the Afghan Gov not only to provide relief and recovery for #COVID19 but also to support the longer-term development agenda.
— Sediq Sediqqi (@SediqSediqqi) April 22, 2020
نړیوال بانک له افغانستان سره د کرونا ویروس د مبارزې په هدف د ۱۰۰،۴ میلیونه ډالرو د مرستې ژمنه کړې وه چې د دې هېواد د مالیې وزات د معلوماتو له مخې د دې مرستې لومړنۍ برخه چې ۲۰ میلیونه ډالره کېږي افغانستان ته انتقال شوه.
د مالیې وزارت وایي دا مرستې د کرونا ویروس سره د مبارزې او په افغانستان کې د روغتیایي برخې د ښه کېدو په هدف مصرفېږي.