د افغانستان سولې لپاره د امریکا ځانګړی استازی زلمی خلیلزاد وایي چې د هند د بهرنیو چارو له وزیر اس جې شنکر سرهیې د افغانستان پر سیاسي او امنیتي وضعیت خبرې کړې دي.
خلیلزاد پرون د اپرېل په ۱۸مه، د ټويټونو په یوه لړۍ کې ویلي چې دواړو پر دې خبرې کړي چې په افغانستان کې سیاسي کړکېچ باید ژر تر ژره پای ته ورسېږي او د افغانستان حکومت او طالبان باید د زندانیانو د خوشې کولو بهیر چټک کړي، تشدد باید کم شي او د افغانانو ترمنځ باید خبرې پیل شي.
پرون د هند د باندنیو چارو وزیر @DrSJaishankar سره د افغانستان د سولې بهير د وروستيو مسایلو په اړه وغږیدم. موږ د کورني سیاسي کړکیچ د بیړني هواري او پر دې اهمیت وغږیدلو چې افغان مشران یو ټولشموله حکومت جوړ کړي.
— U.S. Special Representative Zalmay Khalilzad (@US4AfghanPeace) April 18, 2020
خلیلزاد همداراز د هند د بهرنیو چارو له وزیر سره په افغانستان کې د سیاسي کړکېچ د پای ته رسېدو لپاره د یوه پراخبنسټي حکومت د تشکیل پر اړتیا غږېدلی دی.