د بریتانیا صدراعظم بورېس جانسون نن د مارچ په ۲۷مه، وویل چې په کرونا ویروس اخته شوی دی.
بورېس جانسون دا خبر پر ټویټر خپور کړی او لیکلي یې دي چې د ویروس نښې کمزورې دي، حکومتي چارو ته به دوام ورکوي، خو ځانیې له خلکو جلا کړی دی.
بورېس جانسون ویلي: "د کرونا ویروس کمزورې نښې مې په ځان کې احساس کړې او د روغتیايي مسؤل په مشوره مې ځان معاینه کړ او د معاینې نتیجه مثبته وه، له دې کبله به له کوره کار کوم او له نورو ځان لیرې ساتم."
Over the last 24 hours I have developed mild symptoms and tested positive for coronavirus.I am now self-isolating, but I will continue to lead the government’s response via video-conference as we fight this virus.Together we will beat this. #StayHomeSaveLives pic.twitter.com/9Te6aFP0Ri
— Boris Johnson #StayHomeSaveLives (@BorisJohnson) March 27, 2020
د بریتانیا د رسمي شمېرو پر اساس چې پرون خپرې شوې، ۳۲۷۰ تنه په کرونا ویروس اخته شوي دي.
په بریتانیا کې پرون نور ۴۰ تنه له دې امله مړه شوي چې په ټوله کې د کرونا ویروس له امله په بریتانیا کې د مړو شمېر ۱۴۴ ته ورسره رسېدلی دی.