د متحده ایالاتو سناتورانو او سپېنې ماڼۍ د دوه ټریلیون ډالرو اقتصادي ژغورنې بستې باندې موافقه وکړه.
د سپینې ماڼۍ یوه چارواکي ایریک اویلنډ نن چهارشنبه سهار دا خبره ژورنالیستانو ته وکړه.
د بلومبرګ نیوز راپور ورکړ چې احتمال لري چې په دې مسئله د متحده ایالاتو په سنا جرګه کې رایګیري وشي.
جمهوري غوښتونکي سنا جرګه کنټرولوي.
د مشرانو جرګې له تصویب وروسته به د اقتصادي ژغورنې دا بسته د استازیو جرګې ته واستول شي.
هلته بیا ډیموکراتان حاکم دي.
د متحده ایالاتو د جرګې رییس نانسي پلوسي ویلي دي چې هغه تمه لري چې دا به ډیر ژر وشي.
د امریکا متحده ایالاتو ولسمشر ډونالډ ټرمپ ویلي دي چې هغه به دا اقتصادي بسته لاسلیک کړي.
د اقدام په متحده ایالاتو کې د کرونا ویروس له خپرېدو سره شوی.
د دې اقتصادي بستې له مخې ډېری امریکایانو ته به میاشتنۍ معاش ورکړل شي او د بې کاره خلکو امتیازونه به هم ډېر شي.
دا اقتصادي بسته به د کوچنیو سوداګریو لپاره ۳۵۰ میلیارد ډالریزه پروګرام په لار واچوي څو کارګرانو ته چې د کرونا ویروس په خاطر په کورونو کې ناست دي پيسې ورکړل شي.