راپورونه وايي تېره شپه پر بګرام هوايي اډې څو توغندي ویشتل شوي.
د ځايي چارواکو په وینا، دا توغندي د کاپیسا او بګرام ترمنځ سیمې څخه د یو موټر څخه پر بګرام هوايي اډې توغول شوي دي.
د پروان ولایت د امنیتي ځواکونو د همغږۍ قوماندان الوزي احمدي تېره شپه ازادي راډیو ته وویل، توغندي بګرام هوايي اډې ته په نږدې سیمو کې لګېدلي، خو چاتهیې مرګژوبله نهده اړولې.
د ښاغلي احمدي په وینا راکټ توغوونکي له سیمې تښتېدلي او امنیتي ځواکونو یې د نیولو او پېښې د څېړلو کار پیل کړی دی.
دمګړۍ پر بګرام هوايي اډه د دې توغندیو د وېشتلو مسؤلیت چا پر غاړه نهدی اخیستی.
د طالبانو او امریکا ترمنځ د سولې د هوکړې تر لاسلیک وروسته دا پر بګرام هوايي اډه چې په افغانستان کې د نړیوالو ځواکونو یو مهم مرکز دی، لومړنی راکټي برید ګڼل کېږي.