کاناډا او امریکا د کرونا ویروس د مخنیوي لپاره خپله ځمکنۍ پوله وتړله.
د امریکا ولسمشر ډونالد ټرمپ پرون چهارشنبه دغه خبره په خپل یوه ټویټ کې وکړه.
د امریکا او کاناډا ترمنځ د تګ راتګ دا بندیز لنډمهاله یاد شوی دی.
د کاناډا صدراعظم جستن ترودو خبریالانو ته ویلي، مسافرانو ته نوره اجازه نهشته چې د چکر او تفرېح لپاره پر پوله واوړي.
د کاناډا صدراعظم هم وروسته تر هغه ځان ګوښې ته کړی چې مېرمنیې کرونا ویروس ونیوله.
نوموړی په اوتاوا کې له خپل کوره د دفتر چارې مخته بیایي.