د افغانستان د بشر حقونو خپلواک کمېسیون، د زندانونو او توقیفځایونو له مسؤلانو غوښتنه وکړه چې د کرونا ویروس د خپرېدو د مخنیوي او د بندیانو د خوندیتوب لپاره لازم اقدامات وکړي.
دغه کمېسیون نن په یوه اعلامیه کې له روغتیا وزارت نه غوښتنه کړې چې د زندانونو او توقیفځایونو کلینیکونو ته دارو درمل او اسانتیاوې برابرې کړي.
د بشر حقونو خپلواک کمیسیون د زندانیانو په اړه خپله ارزونه د کرونا ویروس تر خپرېدو وروسته، د کب/حوت میاشتې له شپږمې تر ۲۶مې ترسره کړې ده.
دغه کمېسیون امنیتي، عدلي او قضايي ارګانونو ته لارښوونه کړې چې د قرنطین شویو کسانو د ارزونې لپاره په همغږۍ اقدام وکړي.
په افغانستان کې په کرونا ویروس د خلکو د اخته کېدو پېښې ۲۲ ته رسېدلې دي.
په کوم زندان یا توقیفځای کې په دې ویروس د خلکو د اخته کېدو راپور نهدی ورکړل شوی.