د افغانستان د عامه اړیکو دولتي کمېټه وايي د هوټلونو، حوضونو، حمامونو او ورزشي پروګرامونو فعالیتونه چې خلک پهکې راغونډېږي، تر بلې خبرتيا منعه دي.
د کورنیو چارو وزارت په یوه اطلاعیه کې ویلي، دا اقدام د کرونا ویروس د خپرېدو د مخنیوي په هدف شوی دی.
وزارت وايي له سرغړوونکو سره به قانوني چلند کېږي.
وزارت له خلکو غوښتنه کړې چې د هوټلونو، حوضونو، حمامونو او ورزشي پروګرامونو د فعالیت په صورت کې دې د پولیسو له ۱۱۹ شمېرې سره تماس ونیسي.