د خوست ولایت چارواکي وايي، په نادرشاه کوټ ولسوالۍ کې د فوټبال په میدان کې په چاودنه کې درې ملکیان ووژل شول.
د خوست د والي ویاند طالب منګل ازادي راډیو ته وویل، د دوشنبې په ماښام په چاودنه کې ۷ کسان ټپیان شول.
د خوست ولایت د عامې روغتيا رئیس حبیب شاه انصاري ازادي راډیو ته تأیيد کړه چې درې ملکیان وژل شوي، خو د ټپیانو شمېر یې ۸ تنه یاد کړ.
د ښاغلي منګل په وینا، چاودېدونکي مواد پر یوه موټرسایکل ځای پر ځای شوي وو.
ده زیاته کړه، چاودنه په داسې حال کې وشوه چې خلک د فوټبال لوبې په لیدو بوخت وو.
د طالبانو ویاند ذبیحالله مجاهد پرون ماښام پر خپله ټویټرپاڼه ولیکل: "دا چاودنه په دې ډلې پورې تړاو نهلري."
تر اوسه د دې پېښې مسئولیت چا نهدی منلی.
دا پېښه دوه ورځې وروسته له هغه شوې چې په افغانستان کې د تاوتریخوالي کمولو اوونۍ پای ته رسېدلې.