د بادغیس سیمهییز چارواکي وايي چې ۶۲ افغان سرتېري د طالبانو له بنده خوشې کړای شول.
دا خبره د بادغیس د والي ویاند نجیمالدین برهاني ازادي راډیو ته وکړه.
هغه وویل، دا افغان عسکر له یوه کاله راهیسې د بادغیس ولایت په بالامرغاب کې د طالبانو په بند کې و چې بېګا شپه د افغان ګډو ځواکونو د عملیاتو په نتیجه کې خوشې شول.
په دوی کې پنځه کمانډو سرتېري او پاتې نور پولیس، اردو او سرحدي پولیس دي.
د بادغیس د والي ویاند ښاغلي برهاني زیاته کړه چې یاد افغان سرتېري د طالبانو لهخوا په بالامرغاب او جوند ولسوالۍ کې د جګړو پر مهال نیول شوي و.
ورته مهال د ملي دفاع وزارت د ویاند مرستیال فواد امان پر خپل ټویټر د یادو خوشې شویو سرتېرو عکسونه خپاره کړي دي.
اسدالله خالد سرپرست وزارت دفاع ملی این موفقیت را به همه مردم و نیروهای افغان مبارک باد گفته و تاکید کرد که نیروهای ملی دفاعی و امنیتی تلاش های شان را به خاطر تامین امنیت مردم شدت خواهند بخشید. pic.twitter.com/4lPBrbbfnW
— Fawad Aman (@FawadAman2) January 29, 2020
بالامرغاب د بادغیس نا امنه ولسوالۍ ده.
طالبان د دې ولسوالۍ په ډېره برخه کنټرول لري.
وسلهوالو طالبانو تر اوسه د افغان سرتېرو د خوشې کېدو په اړه کومه تبصره نهده کړې.