په پام کې ده چې د حج په مراسمو کې د ګډونوالو افغان حاجیانو د ستنېدو لړۍ د جمعې په ورځ پیل شي.
د افغانستان د حج، ارشاد او اوقافو وزارت ویاند ناصرالدین دریځ تېر ماښام ازادي راډیو ته وویل چې نن او سبا، چهارشنبې به د حج د مراسمو وروستۍ ورځې وي او له هغه وروسته هېواد ته د حاجیانو ته د راستنېدو لړۍ پیلېږي.
ښاغلی دریځ زیاتوي: "انشاءالله د چهارشنبې په ورځ به وروستی پروګرام هم ترسره شي او د اختر په شپږمه ورځ به د افغان حاجیانو لومړنی کاروان د افغانستان خوا ته روانېږي."
د افغانستان د حج، ارشاد او اوقافو وزارت د معلوماتو له مخې، سږکال د حج په مراسمو کې په ګډونوالو څه باندې دوه میلیونه خلکو کې شااوخوا ۳۰ زره افغانان هم شامل دي.