د ملګرو ملتونو په یوه تازه راپور کې چې نن د جولای په دېرشمه خپور شوی، راغلي چې د روان ۲۰۱۹ کال په لومړیو شپږو میاشتو کې څه باندې ۱۳۰۰ ملکي وګړي وژل شوي او ۲۴۶۶ نور ټپیان شوي دي.
د ملګرو ملتونو په راپور کې راغلي، د ۲۰۱۹ کال په دوهمه ربعه کې د لومړنۍ ربعې په مقایسه په افغانستان کې ملکي تلفات ۲۷ فیصده لوړ شوي دي.
دغه اعلامیه د ملکي تلفاتو ۵۲ سلنه یې طالبانو او نورو تندلارو ډلو ته منسوبوي.
د افغانستان لپاره د ملګرو ملتونو مرستندویه ادارې یوناما په اعلامیې کې یو ځل بیا د جګړې پر ښکېلو خواوو غږ کړی چې ملکي تلفات ودروي.
دا شمېرې داسي مهال ورکړل شوي چې واشنګټن تر سپټمبر میاشتې پورې یعنې د افغانستان تر ولسمشرۍ انتخاباتو دمخه له وسله والو طالبانو سره د سولې تفاهم د ترلاسه کېدو تمه ښیي.