ولسمشریزو ټاکنو ته کاندید رحمت الله نبیل ویلي چې ټاکنیز ټیم يې انتخابات نه تحریموي.
هغه دا خبره په خپله ټوېټرپاڼه بېګاه ناوخته لیکلې ده.
While we are worried about the interference and engineering of the upcoming election by the ruling team and @ashrafghani, our team (security and justice) will not boycott the election at this stage.
— Rahmatullah Nabil (@RahmatullahN) July 28, 2019
رحمت الله نبیل د ولسمشریزو ټاکنو د کاندیدانو د یوې دولس کسیزې شورا غړی هم دی چې پرون یې د ټاکنو د تحریم اعلان کړی و.
دې شورا په یوه بیان کې چې رسنیو ته یې استولی، ولسمشر اشرف غني تورن کړی چې انتخابات یې له وخت مخکې په خپله خوښه تنظیم کړي او په همدې خاطر دې شورا له خلکو غوښتي چې په انتخاباتو کې دې برخه نه اخلي.
د ولسمشرۍ ټاکنو د کاندیدانو دې دولس کسیزه شورا کې حنیف اتمر، رحمت الله نبیل، لطیف پدرام او ځینې نورې څېرې شاملې دي.