په مسکو کې پرون د یکشنبې په ورځ لسګونه مظاهره چیان نیول شوي دي.
د مسکو پولیسو د روسیې د انتخاباتو د کمیسیون مخ ته څه باندې ۲۵ تنه مظاهره چیان نیولي دي.
دا کسان وروسته له هغه نیول شوي چې د اپوزیسیون کاندیدانو د ښاري شورا د ټاکنو له لېسټه تر لېرې کېدو وروسته د پرلت هوډ درلود.
د اپوزیسیون کاندیدانې ایلیا یاشین، لیوبوف سوبول او یولیا ګالیامینا پرون د یکشنبې په ورځ تر سولهییزو مظاهرو څو ساعته وروسته ونیول شول.
پرون شاوخوا زر تنو پهدې مظاهرو کې ګډون درلود.
دوی د انتخاباتو کمېسیون مخې ته په راټولېدو شعار ورکاوه چې دا انتخابات نه دي او درغلۍ دي او موږ یې نه غواړو.
لیوبوف سوبول پرون د یکشنبې په ورځ مخکې له دې چې ونیول شي د مظاهرو پر مهال وویل چې انتخابات نهدي، درغلۍ دي:"هغوی زموږ انتخابات غلا کوي. له موږ راتلونکې پټوي. زه باوري یمه چې دا کار د مسکو د ښاروال سرګي سیمونویچ سوبیانین په مخامخ دستور شوی دی."
روسیه کې نیول شوې یو تن مظاهره کوونکې
لیوبوف سوبول له مظاهرهچیانو وغوښتل تر هغو د انتخاباتو کمېسیون مخته ور ټول وي چې د دې ادارې مشر د اپوزیسیون له کاندیدانو سره خبرې نه وي کړي.
د مسکو د ښاري شورا انتخابات د سېپټمبر په میاشت کې ترسره کېږي.
اخوا د اپوزیسیون مشهوره مشر الیکسي ناوالني چې د پنجشنبې په ورځ له کورني نظربنده خوشې شوی و په پرونیو مظاهرو کې نه لیدل کېده.
د اپوزیسیون کاندیدان غواړي چې نومونه یې د ټاکنو په لېسټ کې شامل شي.
دوی پرون ټوله ورځ د انتخاباتو د کمیسیون له مشر والنتین ګوربونوف سره د لیدلو غوښتنه کوله.
د انتخاباتو د کمیسیون رئیس والنتین ګوربونوف چې له ۲۵ کلونو راهیسې انتخابات څاري انکار کړی چې د انتخاباتو کمېسیون دې د چا نوم په غیرعادلانه توګه حذف کړی وي.