په جبل الطارق کې د ایران د یوې لویې تېل وړونکې بېړۍ نیول کېدو د ایران او بریتانیا تر منځ لانجه جوړه کړې ده.
د جبل الطارق چارواکي وايي، د هغې لویې تېل وړونکې بېړۍ په اړه یې پلټنې دوام لري چې دوی وړمه ورځ درولې ده.
د ګريس ۱ په نوم د دې لویې بېړۍ اته ویشت سورلۍ چې هندیان، پاکستانیان او اوکراینیان دي، دننه په بېړۍ کې ایسار ساتل شوي.
تر اوسه یې هېڅ یو نه دی نیول شوی.
جبل الطارق د بریتانیا تر حاکمیت لاندې ده او ویلي یې دي چې ګریس ۱ بېړۍ سوریې ته تېل انتقالول.
د جبل الطارق اعلی وزیر فابیان پيکاردو ویلي، دوی ځکه دا بېړۍ نیولې چې د اروپايي ټولنې له بندیزونو یې سرغړونه کړې او سوریې ته یې تېل وړل.
ده وویل: موږ په حقیقت کې دلیل لرو چې ګریس ۱ بېړۍ د سوریې بنیاس چاڼځای ته خام تېل وړل، د تیلو دا چاڼځای د هغه چا دی چې په سوریه کې د اروپايي ټولنې د بندیزونو سره مخ دی.
اروپايي ټولنې له ۲۰۱۱ کال راهیسې سوریې ته د تېلو پر انتقالاتو بندیز لګولی دی.
جبل الطارق د اروپا په جنوب لوېدیځ کې پروت دی چې تنګی یې مدیترانه سمندرګی له اطلس سمندر سره وصلوي او د نړیوالو انتقالاتو یوه مهمه لار بلل کېږي.
ایران په جبل الطارق کې د ګریس ۱ په نوم د خپلې لویې تېل وړونکې بېړۍ د درولو په اړه جدي غبرګون ښودلی.
🇮🇷 در پی توقیف غیر قانونی یک نفتکش ایرانی در تنگه جبل الطارق توسط نیروی دریایی انگلستان، سفیر این کشور در تهران هم اکنون به وزارت امور خارجه احضار شد.⭕اخبار تکمیلی متعاقبا از طریق رسانه ها اعلان خواهد شد.
— S.A MOUSAVI (@SAMOUSAVI9) July 4, 2019
د ایران د بهرنیو چارو وزارت په جبل الطارق کې د ایراني بېړۍ د درېدو په غبرګون په تهران کې د بریتانیا سفیر ور غوښتی او اعتراض یې ورته کړی.
د ایران د نظام د مصلحت د تشخیص شورا منشي محسن رضايي هم په ټوېټ لیکلي چې که د ایران تېل وړونکې بېړۍ خوشې نه کړای شي، تهران باید یوه بریتانوۍ بېړۍ ونیسي.
انقلاب اسلامی در طول تاریخ چهل ساله خود، در هیچ معرکهای آغازگر تنش نبوده، اما در پاسخ به زورگویان و گردنکشان، تعلل نکرده و تردید به دل راه نداده است. انگلیس اگر #نفتکش_ایرانی را رفع توقیف نکند، وظیفه دستگاههای مسئول، اقدام متقابل و توقیف یک نفتکش انگلیسی است.
— محسن رضایی (@ir_rezaee) July 5, 2019
دا بېړۍ د جبل الطارق د تنګي په څلور کیلومترۍ کې درول شوې، په دې ځای باندې بریتانیې او هسپانې په ګډه د حاکمیت دعوه لري.
دا لومړی وار دی چې یوه تېل وړونکې بېړۍ په دې سیمه کې درول کېږي.
امریکا متحده ایالتونو د دې بېړۍ له درولو هرکلی کړی دی.
د امریکا د ملي امنیت سلاکار جان بولټن په ټوېټر لیکلي: دا یو عالي خبر دی.
هغه په دوام کې لیکلي چې امریکا او ملګري به یې له دې ناقانونه سوداګرۍ د تهران او دمشق د ګټې مخه ونیسي.