په سلګونو لبناني او اردني کارګران چې د قزاقستان په لویدیځ کې یې د تیلو او ګازو په یوه لويه پروژه کې کار کاوه له سيمې ايستل شوي دي.
دا اقدام وروسته له هغې کېږي چې د ځايي او بهرنيو کارګرانو ترمنځ شخړه وشوه.
د اردن د بهرنیو چارو وزیر ایمان صفادي پرون په ټویټر لیکلي، ټول اردني کارګران روغ او په یوه هوټل کې چې ښه امنيتي تدابير يې نيول شوي، دېره شوي دي.
سفير المملكة مع شبابنا في كازاخستان. الحمد لله كلهم بخير وموجودون في فندق مؤمن بحراسة أمنية. وتتابع السفارة والوزارة مع السلطات الكازاخستانية لحماية حقوقهم وضمان أمنهم. السلطات هناك أكدت لنا أنها اتخذت كل الاحتياطات وأن الأمور هدأت. ننسق أيضا مع مدير الشركة هناك وهو مواطن أردني pic.twitter.com/WHKyePXaQT
— Ayman Safadi (@AymanHsafadi) June 30, 2019
د اردن د بهرنيو چارو وزارت اعلاميه وايي، د اردن د ١٠٧ کارګرانو له ډلې ٥ تنه چې د تينګيز د تېلو په ساحه کې يې کار کاوه، «برسېرن» ټپيان شوي دي.
د تېلو له ساحې د لبنان ١٥٠ کارګران هم چې د قزاقستان پوليسو يې سخت امنيتي تدابير نيولي وو، ايستل شوي دي.
هغه ویډیوګانې چې وړمه ورځ خپرې شوي، ښيې چې د تينګيز د تېلو په ساحه کې کارګران يو بل په سوکانو او لغتو وهي او په ځينو مواردو کې د يوې بلې وسيلې په مرسته ګوزار هم کوي.
یوه کارګر د ازادې اروپا راډیو قزاقۍ څانګې ته ویلي، شخړه هغه وخت پيل شوه چې د بهرنيو کارګرانو په منځ کې د يوې قزاقۍ ښځې عکس ښکته پورته کېده چې دا کار پر قزاقي کارګرو بد ولګېد.