ولسمشر محمد اشرف غني هیله څرګنده کړې ده چې پاکستان ته د ده سفر به د دواړو هېوادونو په برخه کې مثبتې پایلې ولري او په سیمهییزو همکاریو کې به د پاکستان فعاله رول وهڅوي.
ولسمشر غني د پاکستان له صدراعظم عمران سره هم ولیدل.
د پاکستان حکومت په خپل ټویټر کې لیکلي چې ښاغلي غني او خان یو په یو په دوه اړخیزو همکاریو په بېلابېلو برخو کې خبرې کړي دي.
One on one meeting held between Prime Minister Imran Khan and Afghan President Ashraf Ghani in Islamabad. Matters pertaining to bilateral cooperation in various sectors and regional situation were discussed in the meeting. pic.twitter.com/FQOOLGHXci
— Govt of Pakistan (@pid_gov) June 27, 2019
ولسمشر غني تردې مخکې د پاکستان د بهرنیو چارو له وزیر شاه محمود قریشي سره هم کتلي و.
ولسمشر غني له قریشي سره په خبرو کې وويل چې د سولې مشورتي لویې جرګې د استازو د وړانديز پر اساسیې پاکستان ته سفر کړی دی.
ده همداراز ټينګار وکړ چې د دواړو هېوادونو اړیکې باید پر متقابل درناوي او د دوو دولتونو ترمنځ د اړیکو پر اصل ولاړې وي.
ولسمشر غني ته د پاکستان صدراعظم عمران خان هم دغه هېواد ته د ورتګ بلنه ورکړې وه.
ارګ وايي، ولسمشر به پهدې سفر کې له پاکستاني چارواکو سره د سیمهیېز اتصال، سوداګرۍ او ټرانزيټ، امنیت او سولې پر موضوعاتو خبرې وکړي.