د ناټو سرمنشي وايي، په افغانستان کې د سولې د ټينګښت لپاره پېچلې لار په مخکې ده.
ينس سټولټنبرګ په بروکسل کې نن ازادي راډيو ته وويل، پهدې برخه کې نورو بحثونو ته اړتيا ليدل کېږي: "د سولې د هرې موافقې يو اړخ به دا وي چې موږ څنګه وکړاى شو داسې مېکانېزم ولرو چې موږ ډاډمن کړي چې موافقې ته درناوى کېږي، عملي او تطبيق کېږي. ځکه نو سولې ته رسېدل اسان نه دي، خو موږ مذاکرو ته اړتيا لرو او ضرور ده چې د خبرو له لارې حل لارې ته ورسېږو."
د ناټو سرمنشي وويل چې وسلهوال طالبان بايده پوه شي چې د جګړې په ميدان کې بريالي کېداى نه شي.
په پام کې ده د ناټو تړون دفاع وزيران سبا د ناټو په مقر کې د افغانستان پر موضوع بحث وکړ.
د ناټو د دفاع وزيرانو په غونډه کې د افغانستان د دفاع سرپرست اسد الله خالد، په افغانستان کې د بهرنيو ځواکونو عمومي قوماندان جنرال سکاټ مېلر او په افغانستان کې د ناټو ملکي استازى نيکلاس کي هم برخه لري.