په انګلستان او وېلز کې د کرکټ د نړیوال جام د سیالیو په ترڅ کې نن افغانستان له بنګله دېش سره لوبه کوي.
دغه لوبه چې د افغانستان اوومه ده، د افغانستان په وخت په دوو بجو په ساوټ همټن لوبغالي کې پیلېږي.
له دې مخکې افغانستان ټولې ۶ لوبې بایللي او بنګله دېش هم له دې مخکې له شپږو لوبو درې ګټلي، دوه یې بایللي او یوه یې د باران له امله مساوي کړې ده.
پرون پاکستان د ۴۹ منډو او اوو لوبغاړو په سوځېدو جنوبي افریقا ته ماته ورکړه.